Surat: યુવકને ભારે પડી સુતળી બોંબની ચેલેન્જ! મોં પાસે ફૂટતા થયો ઈજાગ્રસ્ત

સુરતના પાંડેસરા વિસ્તારમાં ડીજેના તાલ પર મજા કરી રહેલા યુવકે બેજવાબદારીપૂર્વક સુતળી બોમ્બ ફોડતા તેના મોં પાસે જ ઘડાકો થયો હતો.

સુરત: સુરતના પાંડેસરા વિસ્તારના એક યુવકને દિવાળીની ઉજવણીમાં મસ્તી કરવાનું ભારે પડ્યું છે. સુરતના પાંડેસરા વિસ્તારમાં ડીજેના તાલ પર મજા કરી રહેલા યુવકે બેજવાબદારીપૂર્વક સુતળી બોમ્બ ફોડતા તેના મોં પાસે જ ઘડાકો થયો હતો. સુતળી બૉમ્બ ફૂટતા આ યુવકના મોં પર જીવલેણ ઈજાઓ થઈ હોવાનું જાણવા મળી રહ્યું છે. ત્યારબાદ આ યુવકને તાત્કાલિક 108 મારફતે સિવિલ હોસ્પિટલ ખસેડવામાં આવ્યો હતો.
પ્રાપ્ત માહિતી મુજબ, સુરતના પાંડેસરા વિસ્તારમાં DJના તાલ પર દિવાળીની ઊજવણી થઈ રહી હતી. આ દરમિયાન મિત્રોએ મસ્તીમાં કહેતા આ યુવકે ચહેરાની નજીક સૂતળી બૉમ્બ ફોડવાનો પ્રયાસ કર્યો હતો. આ સુતળી બૉમ્બ મોં પાસે ફૂટતા યુવક બેભાન થઈ ગયો હતો. ભોગ બનનાર યુવકનું નામ પિન્ટુ જાદવ હોવાનું સામે આવ્યું છે. મોં પાસે સૂતળી બોમ્બ ફૂટતા આ યુવકને મલ્ટિપલ ફ્રેક્ચર થયા હોવાનું જાણવા મળી રહ્યું છે.

દિવાળીની રાત્રે ડીજેની ધૂન પર મિત્રો ભેગા મળીને ઉજવણી કરી રહ્યા હતા અને ફટાકડા ફોડી રહ્યા હતા. આ દરમિયાન મિત્રો દ્વારા પિન્ટુને મસ્તીમાં મોંમાં સૂતળી બોમ્બ ફોડવા જણાવ્યું હતું. આ કારણે પિન્ટુએ મોંમાં સુતળી બોમ્બ ફોડી દીધો હતો. આ કારણે તે બેભાન થઈ ગયો હતો. મોંમાં સૂતળી બોમ્બ ફૂટતાની સાથે જ પિન્ટુ બેભાન થતા તેના મિત્રોમાં પણ ભાગદોડ મચી ગઈ હતી અને તેના મહોલ્લામાં હોબાળો મચી ગયો હતો. 108 મારફતે પિન્ટુને સિવિલ હોસ્પિટલ સારવાર માટે ખસેડવામાં આવ્યો હતો. પિન્ટુના પિતરાઈ ભાઈએ જણાવ્યું હતું કે હાલ તેની સારવાર ચાલી રહી છે અને તેના મોંમાં ફ્રેક્ચર થતા ટાંકા લેવા પડ્યા છે.

નોંધ: "Royal Gujju" ના કોઈ પણ લખાણ ની કોપી કરતા પહેલા અમારી લેખિત મંજુરી લેવી ફરીજીયાત છે.

લેટેસ્ટ ન્યૂઝથી અપડેટ રહેવા માટે નીચે આપેલી લીંક પર કલીક કરી જોડાયેલા રહો "Royal Gujju" સાથે.

જોડાઓ:  Facebook | Twitter | Instagram | YouTube