યુએઈના અબુ ધાબીમાં 144 માળના ટાવરને માત્ર 10 સેકન્ડમાં જમીનદોસ્ત કરવામાં આવ્યું. હવે આ બિલ્ડિંગના નામે વર્લ્ડ રેકોર્ડ નોંધાયો છે. કારણકે, આ પહેલા આટલું ઊંચું બિલ્ડિંગ આટલા ઓછા સમયમાં ક્યારેય જમીનદોસ્ત થયું નથી. આ ઘટનાનો વિડીયો જોઈને પણ લોકો ચોંકી ગયા છે.
આ વિડીયોને ‘Guinness World Records’ના ફેસબુક પેજ પર તારીખ 8 ડિસેમ્બરના દિવસે શેર કરવામાં આવ્યો હતો. આ વિડીયોને અત્યાર સુધીમાં અઢળક લાઈક અને કોમેન્ટ્સ મળી ચૂકી છે.
165 મીટર ઊંચા આ ટાવરને નિયંત્રિત ડાયનામાઈટ લગાવીને જમીનદોસ્ત કરવામાં આવ્યું હતું, જે મીના પ્લાઝાનો એક ભાગ હતો. પ્રાપ્ત માહિતી મુજબ, આ બિલ્ડિંગને જમીનદોસ્ત કરવા માટે 915 કિલોગ્રામ વિસ્ફોટકને 3000 કરતા વધારે ડિટોનેટર દ્વારા એક્ટિવ કરવામાં આવ્યો અને ત્યારબાદ ગણતરીની પળોમાં આ બિલ્ડિંગ જમીનદોસ્ત થઈ ગઈ હતી. હવે આ વિડીયો પર યૂઝર્સની વિવિધ પ્રતિક્રિયા જોવા મળી રહી છે.
જો તમને આ પોસ્ટ પસંદ આવી હોય અને આવી બીજી પોસ્ટ જોવા માંગતા હોય તો તમે અમારા ફેસબુક પેજ સાથે જોડાય શકો છો.
