સોશિયલ મીડિયા પર આ દિવસોમાં એક પ્રવાસીનો વીડિયો ખૂબ જોવા મળી રહ્યો છે. વીડિયોમાં પર્યટક નેશનલ પાર્ક નિહાળતા જોવા મળે છે. જેમાં બસ સિંહની (Lion) નજીક આવે છે, ત્યારે એક પ્રવાસી બારી ખોલે છે અને તેને સ્પર્શ કરવાનો પ્રયાસ કરે છે. બાદમાં સિંહને ગુસ્સો આવે છે અને પછી જે થયુ તે જોઈને લોકો આ પ્રવાસીને મુર્ખ ગણાવી રહ્યા છે.
આ હદયસ્પર્શી વિડિયો Maasai Sightings દ્વારા YouTube પર શેર કરવામાં આવ્યો છે. આ વીડિયો આફ્રિકાના સેરેનગેટી નેશનલ પાર્કમાં શૂટ કરવામાં આવ્યો છે. વાયરલ વીડિયોમાં તમે જોઈ શકો છો કે એક પ્રવાસી (Tourist) બસની બારી ખોલીને સિંહને સ્પર્શ કરવાનો પ્રયાસ કરી રહ્યો છે. તેના હાથમાં કેમેરો પણ છે. પહેલા સિંહ કંઈ કરતો નથી, પરંતુ બીજી જ ક્ષણે તે ગુસ્સે થઈ જાય છે. વીડિયો જોઈને અંદાજ લગાવી શકાય છે કે સિંહે બારીમાંથી જ હુમલો કર્યો હશે, જેના કારણે આ વ્યક્તિની હાલત ખરાબ થઈ ગઈ.
મસાઇ સાઇટિંગ્સે વીડિયો શેર કરીને કેપ્શનમાં લખ્યું કે, આ ખૂબ જ મૂર્ખતાભર્યું કૃત્ય છે. આમ કરવાથી તમે તમારા જીવનને જોખમમાં મૂકી રહ્યા છો. તમને જણાવી દઈએ કે, આ વીડિયોને લગભગ છ લાખ કરતા પણ વધુ વખત જોવામાં આવ્યો છે. યુઝર્સ આ વીડિયો શેર કરી રહ્યા છે અને તેના પર વિવિધ પ્રકારની પ્રતિક્રિયા (Comments) આપતા જોવા મળી રહ્યા છે.એક યુઝરે કોમેન્ટ કરતાં તેણે લખ્યું કે, “મને આ વ્યક્તિની જગ્યાએ સિંહ માટે દુ:ખ થાય છે, કારણ કે તે પ્રવાસીને પકડવામાં ચૂકી ગયો. તે જ સમયે, અન્ય એક યુઝરે લખ્યું છે કે, આ અત્યાર સુધીનો સૌથી મૂર્ખ પ્રવાસી છે.
જો તમને આ પોસ્ટ પસંદ આવી હોય અને આવી બીજી પોસ્ટ જોવા માંગતા હોય તો તમે અમારા ફેસબુક પેજ સાથે જોડાય શકો છો.
