Breaking & Latest News in Gujarati Provider on National, Gujarat Leading Gujarati News Channel and News Portal
Business

જોબ છોડવી છે પણ ડર લાગે છે, તો આ રીતે પ્લાનિંગ કરી ભવિષ્યને સુરક્ષિત કરો

નોકરી કરનારી લગભગ દરેક વ્યક્તિ એ જ સપનું જુએ છે કે, તે જલદીમાં જલદી પોતાના ભવિષ્ય માટે રૂપિયા એકઠા કરી 10થી 5ની જોબ છોડી શકે. એટલે કે, દરરોજ એક જ સમયે નોકરી પર જવાનું છોડીને પોતાના સપનાઓ અને શોખ માટે પણ સમય આપવાનું વિચારે છે. પરંતુ, મોટાભાગના લોકો નોકરી માત્ર એટલા માટે નથી છોડી શકતા કેમકે, તેમને પોતાના રિટાયરમેન્ટની ચિંતા હોય છે. દરેકને ઓછામાં ઓછા 60થી 80 વર્ષની ઉંમર એટલે કે 20 વર્ષ માટે રિટાયરમેન્ટ કોર્પસ એટલે કે રૂપિયાનું પ્લાનિંગ કરવાનું હોય છે. નોકરી દરમિયાન આપણું સેવિંગ પણ એટલું હોવું જોઈએ કે આપણે રિટાયરમેન્ટ પછી આપણું જીવન આરામથી પસાર કરી શકીએ.

જલદી ઈન્વેસ્ટમેન્ટ શરૂ કરો

સારું રિટાયરમેન્ટ પ્લાન કરવાની સૌથી સારી રીત છે કે તમારી કરિયરમાં બને તેટલું જલદી ઈન્વેસ્ટમેન્ટ શરૂ કરી દો. એવું કરશો તો તમે દર મહીને ઓછામાં ઓછું રોકાણ કરીને પણ રિટાયરમેન્ટ સુધી ઘણા બધા રૂપિયા ભેગા કરી શકો છો, કેમકે કમ્પાઉન્ડિંગની તાકાતને પગલે તમારા રૂપિયા ઘણા ઝડપથી વધશે. એક બીજો ફાયદો એ થશે કે તમે દર મહિને વધુ રોકાણ કરી શકો છો.

​કેટલા રૂપિયા જોઈશે તેનો અંદાજ લગાવો

રિટાયરમેન્ટનું પ્લાનિંગ કરવાનું પહેલું સ્ટેપ એ હોવું જોઈએ કે, તમે અંદાજ લગાવો કે રિટાયરમેન્ટના સમયે તમારે કેટલા રૂપિયાની જરૂર પડશે. ધ્યાન રહે કે રિટાયરમેન્ટના રૂપિયાથી જ તમે રિટાયર થયા પછીની જીંદગીમાં તમારી બધી જરૂરિયાતો પૂરી કરશો. એવામાં પહેલેથી જ જો તમે જાણતા હશો કે પાછલા જીવનમાં તમારે કેટલા રૂપિયાની જરૂર પડશે તો તમે એ હિસાબે રોકાણ કરવાનું શરૂ કરી શકો છો.

આ રીતે નક્કી કરો રૂપિયા

રિટાયરમેન્ટ સમયે કેટલા રૂપિયાની જરૂર હશે, તેના કેલ્ક્યુલેશન માટે એક ઉદાહરણ જોઈએ. જો તમારા પરિવારમાં ચાર લોકો છે અને તમારો હાલનો ખર્ચ 50 હજાર રૂપિયા મહિને છે, તો અત્યારના હિસાબે બે લોકો (પતિ-પત્ની) માટે રિટાયરમેન્ટ પ્લાનિંગ ઓછામાં ઓછું 25 હજાર રૂપિયા પ્રતિ મહિના મુજબ કરવું પડશે. એ પણ ધ્યાન રાખવાની વાત છે કે, એ સમયે તમારા પર બાળકોના શિક્ષણ અને લગ્નની કોઈ જવાબદારી નહીં હોય.

હાલના 25 હજારનો અર્થ એ સમયના 54 હજાર

-25-54-

ત્યાં સુધીમાં મોંઘવારી પણ વધશે. માની લઈએ કે ત્યાં સુધીમાં મોંઘવારી 3 ટકા વધી જશે. હવે, તમે જેટલા વર્ષ પછી રિટાયરમેન્ટ લેવા ઈચ્છો છો, તેના 3 ટકા કમ્પાઉન્ડ ઈન્સ્ટ્રેસ્ટના હિસાબે કેલ્ક્યુલેટ કરી લો. જો આજે તમારી ઉંમર 29 વર્ષ છે, અને તમે 55 વર્ષની ઉંમરમાં રિટાયરમેન્ટ લેવા ઈચ્છો છો, તો 26 વર્ષના કમ્પાઉન્ડ ઈન્ટ્રેસ્ટની ગણતરી કરો. એટલે જો કમ્પાઉન્ડ ઈન્ટ્રેસ્ટ મુજબ જોઈએ તો આજના 25 હજાર 3 ટકાના હિસાબે 26 વર્ષ પછી લગભગ 54 હજાર રૂપિયા થઈ જશે.

​રિટાયરમેન્ટ પર 3.24 કરોડ રૂપિયાની જરૂર પડશે

-3-24-

હવે, માની લઈએ કે રિટાયરમેન્ટ સમયે તમારી કુલ સેવિંગ પર તમને વાર્ષિક 5 ટકા રિટર્ન મળશે, તો 54 હજાર રૂપિયા પ્રતિ મહિનાની આવક માટે તમારી પાસે ઓછામાં ઓછા 3.24 કરોડ રૂપિયા રિટાયરમેન્ટ ફંડ હોવું જોઈએ. એવું થશે તો જ તમને વાર્ષિક 6.48 લાખ રૂપિયા અને માસિક લગભગ 54 હજાર રૂપિયા મળશે. તો હવે તમારે એ હિસાબે પ્લાનિંગ કરવાનું છે કે, દર મહિને કેટલા રૂપિયા જમા કરીએ તો રિટાયરમેન્ટ સમયે તમારી પાસે 3.24 કરોડ રૂપિયા હોય.

​દર મહિને કરવું પડશે 16 હજાર રૂપિયાનું રોકાણ

-16-

માની લઈએ કે તમે જે રૂપિયા રોકો છો, તેના પર તમને વર્ષે 10 ટકા રિટર્ન મળી શકે છે, તો તમારે દર મહિને 16 હજાર રૂપિયાનું રોકાણ કરવું પડશે. જેથી રિટાયર્મન્ટ સમયે તમને મુશ્કેલી ન પડે. ધ્યાન રહે કે, પ્લાનિંગ એ એ હિસાબે કરવામાં આવ્યું છે કે, તમે 29 વર્ષની ઉંમરથી જ રોકાણ કરવાનું શરૂ દો છો. જો તમે આ જ પ્લાનિંગ 34 વર્ષની ઉંમરે શરૂ કરો છો તો તમારે દર મહિને લગભગ 27 હજાર રૂપિયા સુધી રોકવા પડી શકે છે. ઉપરાંત, જો તમારી જરૂરિયાતો ઓછી છે અને તમે ઓછા રૂપિયામાં પણ તમારું ગુજરાન ચલાવી શકો તેમ છો તે તમે અહીં જણાવ્યા છે તેના કરતા ઓછા રૂપિયા રોકી એ મુજબ પ્લાનિંગ પણ કરી શકો છો. બસ, જરૂરી એ છે કે, જેમ બને તેમ જલદી ઈન્વેસ્ટમેન્ટ શરૂ કરશો તો જલદી રિટાયરમેન્ટ લઈ શકશો.

નોંધ: "Royal Gujju" ના કોઈ પણ લખાણ ની કોપી કરતા પહેલા અમારી લેખિત મંજુરી લેવી ફરીજીયાત છે.

લેટેસ્ટ ન્યૂઝથી અપડેટ રહેવા માટે નીચે આપેલી લીંક પર કલીક કરી જોડાયેલા રહો "Royal Gujju" સાથે.

જોડાઓ:  Facebook  Twitter  Instagram  Youtube 

લાઈક કરો અમારું Facebook Page અને મેળવતા રહો તમામ ન્યુઝ નું અપડેટ્સ

Related posts

‘સપનું નહીં આ હકીકત છે’ હીરો-હોન્ડા-TVSની ગમે તે બાઇક એક જ રૂપિયામાં, આટલું કેશબેક અને પ્રોસેસિંગ ફી પણ નહીં

Nikitmaniya

Yojna : જો આટલી હશે તમારી સેલેરી તો સરકાર લાવી રહી છે આ નિયમ, મળશે અનેક ફાયદા

Nikitmaniya

હવે બુઢાપામાં નહીં રહે પેન્શનનો ડર, આ યોજનામાં ફક્ત એકવાર પૈસા ભરો અને બેઠા બેઠા થશે આવક

Nikitmaniya