કોરોના વાયરસ લોકડાઉનથી દેશની અર્થવ્યવસ્થાનું પૈડું સંપૂર્ણ રીતે ઠપ થઈ ગયું છે. દેશમાં સંપૂર્ણ રીતે લોકડાઉન થવાને કારણે લોકોની અવરજવર બંધ થઈ ગઈ હતી. તેથી, તે સમયે અનેક ફાઇનાન્શિયલ કામકાજેની અંતિમ તારીખોમાં ફેરફાર કરવામાં આવ્યા છે.
હવે દેશ અનલોક 5 તરફ આગળ જઈ રહ્યો છે ત્યારે પણ આ ફેરફાર નાગરિકોની સુવિધાને ધ્યાનમાં રાખીને કરાયા છે. જી, હા ITRની તારીખમાં ફરી એક વાર વધારો કરાયો છે અને તેને 30 નવેમ્બર સુધી લંબાવવામાં આવી છે.
સેન્ટ્રલ બોર્ડ ઓફ ડાયરેક્ટ ટેક્સ (CBDT) એ કરદાતાઓને મોટી રાહત આપીને 30 સપ્ટેમ્બરથી 30 નવેમ્બરથી ઇનકમ ટેક્સ ભરવાની ડેડલાઇન આઇટીઆર ફાઇલ (Income Tax Filling Deadline ITR)કરવાની અંતિમ તારીખ વધારી દીધી છે. કોરોના મહામારી બાદ આ ચોથી વખત તારીખ વધારવામાં આવી છે. દેશભરમાં સતત વધી રહેલા કોરોના સંકટ વચ્ચે આવકવેરા વિભાગે કરદાતાઓને આ મોટી રાહત આપી છે. હવે તમારી પાસે આવકવેરો જમા કરાવવા માટે 30 સપ્ટેમ્બરના બદલે હવે નવેમ્બર 2020 સુધીનો સમય છે. તો પ્લાન કરી લો તમારા તમામ ડોક્યુમેન્ટ્સ અને ભરી દો તમારું રિટર્ન.
આવકવેરા વિભાગે ટ્વીટ કરીને આ અંગે માહિતી આપી છે. વિભાગે એક ટ્વિટમાં લખ્યું છે કે કોવિડ (Covid19) રોગચાળાને લીધે થતી સમસ્યાઓને ધ્યાનમાં રાખીને આવકવેરા વળતર ભરવાની તારીખ વધારવામાં આવી છે. સીબીડીટીએ વર્ષ 2018-19 (AY 2019-20) માટે આવકવેરા રીટર્ન ફાઇલ કરવાની તારીખ 30 સપ્ટેમ્બરથી વધારીને 30 નવેમ્બર 2020 કરી છે. આ તારીખ વધવાના કારણે રિટર્ન ફાઈલ કરનારા વ્યક્તિઓને મોટી રાહત મળશે.
છેલ્લી તારીખમાં ફરી વખત થયો વધારો
આ પહેલાં પણ કોરોના મહામારીને ધ્યાનમાં રાખીનેલાં, આઈટીઆર ફાઇલ કરવાની તારીખને ત્રણ વખત લંબાવી દેવામાં આવી છે. અગાઉ ITR નાણાકીય વર્ષ 2018-19 માટે 31 માર્ચ 2020 સુધીમાં ફાઇલ કરવાની હતી.
આ પછી, તેને વધારીને 30 જૂન 2020 કરવામાં આવી. ત્યારબાદ તેને 31 જુલાઇની છેલ્લી તારીખમાં વધારીને 30 સપ્ટેમ્બર 2020 કરવામાં આવી હતી અને હવે આવકવેરા વિભાગે તેને માટેની નવી તારીખ તારીખ 30 નવેમ્બર 2020 જાહેર કરી દીધી છે.
