Breaking & Latest News in Gujarati Provider on National, Gujarat Leading Gujarati News Channel and News Portal
Gujarat

Gir Gadhada મા આસમાની આફત વરસી, 5 ઈંચ વરસાદથી ઘરોમાં પાણી ઘૂસ્યા

રજની કોટેચા/ગીર :ભારે વરસાદની આગાહી વચ્ચે ગીર સોમનાથમાં ફરીથી ભારે વરસાદ તૂટી પડ્યો છે. ગીરગઢડામાં આભ ફાટવા જેવી સ્થિતિ બની છે. 4 ઇંચ વરસાદ થતાં રૂપેણ નદીમાં ભારે પૂર આવી ગયું છે. નદીના પાણી આડા ફાટી ખેતરોમાં ઘૂસી ગયા છે. જેથી ખેતરોને ભારે નુકસાની જોવા મળી છે. ગીર સોમનાથમાં ગઢડા અને જંગલ વિસ્તારમાં ભારે વરસાદ નોંધાયો છે. ગીર ગઢડામાં 4 ઈંચ વરસાદ, તો કોડીનારમાં 2 ઈંચ અને ઉનામાં 1.5 ઈંચ વરસાદ નોંધાયો છે. ભારે વરસાદના પગલે ઘરોમાં પાણી ભરાયા છે. અરણેજ, દેવળી, કાંટાળા, ઘાંટવડમાં મૂશળધાર વરસાદ તૂટી પડ્યો છે. ધોધમાર વરસાદથી નીચાણવાળા વિસ્તારોમાં પાણી ભરાયા છે.

  • ઉના 2.5 ઇંચ
  • કોડીનાર 2.5 ઇંચ
  • ગીરગઢડા 4 ઇંચ
  • ગીર 5 ઇંચ

ગીર અને નજીકના ગામોમાં અનરાધાર વરસાદ વરસી રહ્યો છે. કોડીનારના ગીર નજીક આવેલા અરણેજ અને ગીર દેવળીમાં આસમાની આફત વરસી હોય તેવું લાગી રહ્યું છે. લોકોના ઘરોમાં વરસાદી પાણી ઘૂસી આવ્યા છે. તો અનેક ગામમાં નદીઓ વહેતી થઈ ગઈ છે. આ કારણે નીચાણવાળા તમામ ઘરોમાં પાણી ઘૂસ્યા છે.

તો ઉનામાં પણ વરસાદ તૂટી પડ્યો છે. જેને પગલે ઉનાના રાવલ ડેમના દરવાજા ખોલી દેવાયા છે. ગીરમા ધોધમાર વરસાદને નદીઓ ગાંડીતૂર બની છે. ગીરમાંથી વહેતી સાંગાવાડી નદી, સોમત નદી અને રૂપેણ નદીઓ બે કાંઠે વહેતી થઈ છે. સોમત નદી ગાંડીતૂર બનીને વહેતા સોમનાથ-કોડીનાર રોડ બંધ કરવાની ફરજ પડી છે. પેઢાવાડા ગામ નજીક પુલ પર સોમત નદીનું પાણી ફરી વળતા વાહન વ્યવહાર બંધ થયો છે. ગીર ઉપરવાસમાં પણ વરસાદ અવિરત આવતો હોવાથી રાવલ ડેમ અને મછુન્દ્રી ડેમમાં નવા નીરની આવક શરૂ થઈ છે. ઉના શહેર અને ગ્રામ્ય વિસ્તારમાં વહેલી સવારથી ધોધમાર વરસાદ વરસતા નદીઓમાં પૂર આવ્યા છે.

ગીરમાંવ હેતી રૂપેણ નદીમાં પણ કાબૂ બહાર ગઈ છે. નદીમાં પાણીની આવક સતત વધી રહી છે. જેથી ખીલાવ ગામમાંથી પસાર થતો બેઠો પુલ પણ પાણીમાં ગરકાવ થયો છે. આથી વાહનવ્યવહાર બંધ કરવાની ફરજ પડી છે. બીજી તરફ જામનગર જિલ્લામાં પણ 24 કલાકમાં પોણા ચાર ઈંચ વરસાદ નોંધાયો છે. ગીરગઢડાના જરગલી ગામે ભારે વરસાદથી આતુભાઈ ભાયાભાઈ વંશનું મકાન ધરાશાયી થયું છે. જો કે આ ઘટનામાં સદનસીબે કોઈ જાનહાનિ સર્જાઈ નથી.

નોંધ: "Royal Gujju" ના કોઈ પણ લખાણ ની કોપી કરતા પહેલા અમારી લેખિત મંજુરી લેવી ફરીજીયાત છે.

લેટેસ્ટ ન્યૂઝથી અપડેટ રહેવા માટે નીચે આપેલી લીંક પર કલીક કરી જોડાયેલા રહો "Royal Gujju" સાથે.

જોડાઓ:  Facebook  Twitter  Instagram  Youtube 

લાઈક કરો અમારું Facebook Page અને મેળવતા રહો તમામ ન્યુઝ નું અપડેટ્સ

Related posts

અમદાવાદ / ઓનલાઇન શિક્ષણનો નિર્ણય યોગ્ય, વાલીઓને ફી ભરવામાં તકલીફ હોય તો રાજ્ય સરકાર કેમ મદદ નથી કરતી?: હાઈકોર્ટ

Nikitmaniya

કતારગામની આ કંપનીના 14 રત્નકલાકારો કોરોના પોઝિટિવ આવતા કારખાનું બંધ કરાયું

Nikitmaniya

Surat News:- આઉટર રીંગ રોડ અંતર્ગત તાપી નદી પર આ વિસ્તારને જોડતા ફલાય ઓવર માટે રાજ્ય સરકારે ૧૦૦ કરોડ મંજૂર કર્યા

Nikitmaniya