વોશિંગટનઃ અમેરિકાના રાષ્ટ્રપ્રમુખ પદની ચૂંટણી (US Election Result) માટે મતગણતરી ચાલી રહી છે. ડેમોક્રેટ ઉમેદવાર જો બાઈડન (Joe Biden) બહુમતીના આંકડાની ઘણાં નજીક છે અને ડોનાલ્ડ ટ્રમ્પ (ડોનાલ્ડ ટ્રમ્પ) ઘણાં પાછળ ચાલી રહ્યા છે. બાઈડન 264 મતો સાથે ટ્રમ્પની આગળ ચાલી રહ્યા છે, જેમને માત્ર 214 ઈલેક્ટ્રોલ મત મળ્યા છે. બીજી તરફ ગુરુવારે રાષ્ટ્રપ્રમુખ ડૉનાલ્ડ ટ્રમ્પ ફરી એકવાર જીતનો દાવો કર્યો છે. આ સાથે આશંકા વ્યક્ત કરી છે કે ખોટા મતોના કારણે ચૂંટણી ‘ચોરવાની’ કોશિશ કરાઈ રહી છે.
ટ્રમ્પે એક પ્રેસ કોન્ફરન્સને સંબોધિત કરીને કહ્યું, જો તમે લીગલ મત ગણો તો હું આરામથી જીતી રહ્યો છું. પરંતુ તમે નકલી (મેલ ઈન બેલેટ્સ) મત ગણો તો તે (ડેમોક્રેટ) આના દ્વારા અમારા મત છીનવવાની કોશિશ કરી રહ્યા છે. હું ઘણાં મોટા રાજ્ય ઐતિહાસિક માર્જિન સાથે જીતી રહ્યો છું.
ઓપિનિયન પોલ્સમાં જાણી જોઈને દર્શાવાઈ બ્લૂ વેવ
ટ્રમ્પે ઓપિનિયન પોલ્સને નકલી ગણાવીને કહ્યું, “ઓપિનિયન પોલ્સ કરનારા જાણી જોઈને દેશમાં બ્લૂ વેવ (ડેમોક્રેટના પક્ષમાં) દર્શાવાઈ. ખરેખર આવી કોઈ વેવ નહોતી. આખા દેશમાં રેડ વેવ (રિપબ્લિકનના પક્ષમાં) છે, તેનો મીડિયાને પણ અંદાજો હતો, પરંતુ અમને તેનો ફાયદો નથી થયો.”
મેલ ઈન બેલેટ્સનું એક તરફી હોવાનું આશ્ચર્ય જનક
મેલ ઈન બેલેટ્સમાં ગડબડીની આશંકા વ્યક્ત કરીને ટ્રમ્પે કહ્યું, “આશ્ચર્યની વાત છે કે મેલ ઈન બેલેટ્સ કઈ રીતે એક પક્ષ (ડેમોક્રેટ) તરફ જ દેખાઈ રહ્યા છે. આ એક ખોટી પ્રેક્ટિસ છે અને લોકોને પણ ભ્રષ્ટ બનાવે છે, ભલે તેઓ અંદરથી આવાના હોય.”
સરળતાથી જીતી જશે ચૂંટણી, બસ કોર્ટમાં થશે નિર્ણય
ટ્રમ્પે આગળ કહ્યું, “અમારું માનવું છે કે અમે ચૂંટણી સરળતાથી જીતી જઈશું. જોકે તેના માટે કોર્ટના ઘણાં ચક્કર કાપવા પડશે, કારણ કે અમારી પાસે ઘણાં પૂરાવા છે અને તેનો અંત દેશની સૌથી મોટી કોર્ટમાં આવશે. અમે એક ચૂંટણીને આ રીતે ચોરી નહીં થવા દઈએ.” જણાવી દઈએ કે ચૂંટણી પરિણામો આવી રહ્યા હતા ત્યારે જ ટ્રમ્પે જીતનો દાવો કરીને ઉજવણીની તૈયારીઓની વાત કરી હતી જોકે, બાદમાં સ્થિતિ સરકતી દેખાતા વિરોધી પક્ષ ખોટી રીતે જીત પચાવી રહ્યો હોવાના આક્ષેપો શરુ કર્યા હતા.
જો તમને આ પોસ્ટ પસંદ આવી હોય અને આવી બીજી પોસ્ટ જોવા માંગતા હોય તો તમે અમારા ફેસબુક પેજ સાથે જોડાય શકો છો.
