દિવાળીનો તહેવાર નજીક આવી રહ્યો છે. હિન્દુ ધર્મમાં દિવાળીનું વિશેષ મહત્વ છે. આ દિવસે દેવી લક્ષ્મી અને ભગવાન ગણેશની પૂજા કરવામાં આવે છે. આ વર્ષે દિવાળી 14 નવેમ્બરના રોજ આવી રહી છે.

જો કે દિવાળી પૂજાનું એક વિશેષ મહત્વ છે, પરંતુ આ વર્ષે ત્રણ ગ્રહોનું દુર્લભ સંયોજન તેને વધુ વિશેષ બનાવે છે. જ્યોતિષીઓના જણાવ્યા મુજબ, દિવાળી પર ગુરુ ગ્રહ પોતાની સ્વરાશી ધનુ અને શનિ પોતાની સ્વરાશી મકરમાં રહેશે. જ્યારે શુક્ર ગ્રહ કર્ક રાશિમાં રહેશે.

એવું કહેવામાં આવી રહ્યું છે કે દીપાવલી પર ત્રણ ગ્રહોનું આ દુર્લભ સંયોજન 2020 પહેલા 1521માં બનાવવામાં આવ્યું હતું. આ કિસ્સામાં આ સંયોગ 499 વર્ષ પછી જોવા મળી રહ્યો છે. જ્યોતિષ શાસ્ત્રમાં ગુરુ અને શનિને નાણાકીય સ્થિતિને મજબૂત કરવા માટે અસકારક ગ્રહો માનવામાં આવ્યાં છે. આવી સ્થિતિમાં દિવાળી પર આ બંને ગ્રહો પોતાની સ્વરાશીમાં રહીને પૈસા સંબંધિત પ્રવૃત્તિઓમાં ભારે સફળતા મેળવવાના યોગ બનાવે છે.

દિવાળી 2020 શુભ પુજનના મુહૂર્ત

લક્ષ્મીપૂજા મુહૂર્ત: 14 નવેમ્બરના રોજ સાંજે 5.28 થી સાંજે 7.24 સુધી.

પ્રદોષ કાલ મુહૂર્ત: 14 નવેમ્બરની સાંજે 5 વાગીને 28 મિનિટથી 8 વાગ્યા સુધી

વૃષભ કાલ મુહૂર્ત: 14 નવેમ્બરની સાંજે 5 વાગ્યે 28 મિનિટથી સાંજે 7 વાગીને 24 મિનિટ સુધી

ચોઘડિયા મુહૂર્તમાં લક્ષ્મીપૂજન કરો

બપોરે લક્ષ્મી પૂજા મુહૂર્ત – 14 નવેમ્બરના બપોરે 02: 17 થી સાંજના 04 વાગીને 07 મિનિટ સુધી.

સાંજે લક્ષ્મી પૂજા મુહૂર્ત- 14 નવેમ્બરની સાંજે 5:28થી સાંજના 7 વાગીને 7 મિનિટ સુધી

રાત્રે લક્ષ્મીપૂજા મુહૂર્ત – 14 નવેમ્બરની રાત્રે 08:47 થી રાત્રે 01: 45 સુધી.

સવારે લક્ષ્મી પૂજા મુહૂર્ત – 15 નવેમ્બરના રોજ 05 વાગીને 04 મિનિટથી 06 વાગ્યાની 06 મિનિટ સુધી.

દિવાળીનું મહત્વ-

પૌરાણિક કથા અનુસાર ભગવાન શ્રી રામ લંકા પર વિજય મેળવ્યા પછી પત્ની સીતા અને ભાઈ લક્ષ્મણ સાથે વનવાસ પૂરો કર્યા પછી અયોધ્યા પાછા ફર્યા. ત્યારે અયોધ્યાના દરેક ઘરને દીવડાઓ અને રોશનીથી રોશન કરવામાં આવ્યા હતા. ભગવાન રામના ઘરે પરત ફરવાની ખુશીમાં અયોધ્યાવાસીઓએ ઘરને દીવાઓથી શણગાર્યું હતું. બસ ત્યારથી જ દર વર્ષે દિવાળી અથવા દિવાળીનો તહેવાર કાર્તિક મહિનાની અમાસના દિવસે ઉજવવામાં આવે છે.