રોયલ એનફિલ્ડે આજે કહ્યું હતું કે તેની ઇન્ટરસેપ્ટર 650 બાઇક જૂનમાં યુકેમાં સૌથી વધુ વેચાયેલી મોટરસાયકલ બની હતી. કંપનીએ એક નિવેદનમાં જણાવ્યું છે કે મોટર સાયકલ ઇન્ડસ્ટ્રી એસોસિએશન (એમસીઆઈએ) ના ડેટા અનુસાર, ઇન્ટરસેપ્ટર 650 જૂનમાં બ્રિટનમાં 125 સીસી મોટરસાયકલ સાઇકલથી  વધુની કેટેગરીમાં સૌથી વધુ વેચાયેલી બાઇક બની હતી. મિડ વેટ સેગમેન્ટમાં (250 સીસીથી 750 સીસી) પણ, ઇન્ટરસેપ્ટર 650 મોડેલ છેલ્લા 12 મહિનામાં એટલે કે જૂન 2019 થી જૂન 2020 માં સૌથી વધુ વેચાયેલી મોટરસાયકલ હતી. આ સમયગાળા દરમિયાન, કંપનીની વધુ એક બાઇક રોયલ એનફિલ્ડ હિમાલય વેચાણના સંદર્ભમાં ચોથા નંબર પર હતી.

રોયલ એનફિલ્ડે જણાવ્યું હતું કે બ્રિટનમાં બાઇક વેચતી કોઈપણ ભારતીય ટુ-વ્હીલર કંપની માટે યુકેમાં તે આ પ્રકારની પહેલી ઉપલબ્ધિ છે. કંપનીના સીઈઓ વિનોદ કે દસારીએ જણાવ્યું હતું કે, “અમારુ વિઝન વિશ્વભરના મિડલવેઇટ મોટરસાયકલિંગ સેગમેન્ટમાં પોતાની સ્થિતિને વધુ મજબૂત બનાવવાનુ છે.” આ લક્ષ્યને હાંસલ કરવા માટે, કંપની આંતરરાષ્ટ્રીય બજારોમાં તેની હાજરી વધારી રહી છે. તેમણે કહ્યું હતું કે ઇન્ટરસેપ્ટર 650 મોડેલે વિશ્વભરના બાઇક પ્રેમીઓ પર જાદુ ચલાવ્યો છે અને તેણે ઘણાં આંતરરાષ્ટ્રીય પુરસ્કારો મેળવ્યા છે.

કંપનીએ ગણાવી મોટી ઉપલબ્ધિ

દસારીએ કહ્યું, ‘એક વર્ષ સુધી મિડ-સેગમેન્ટમાં બ્રિટનમાં વર્ચસ્વ જાળવવું એ ખરેખર મોટી સિદ્ધિ છે જેના પર અમને ગર્વ છે. અમે અમારી બાઇક હિમાલયનની સફળતાથી પણ ઉત્સાહિત છીએ જે છેલ્લા 12 મહિનાથી બ્રિટનમાં ટૉપ 5 5 બેસ્ટ સેલિંગ મિડલવેટ મોટરસાઇકલ બની છે. ‘ તેમણે કહ્યું કે બ્રિટનના ગ્રાહકોના પ્રતિસાદને લીધે રોયલ એનફિલ્ડ ભારતમાં સૌથી ઝડપથી વિકસતી મોટરસાયકલ બ્રાન્ડ બની ગઈ છે. ઇન્ટરસેપ્ટર 650 એ એક નવો અધ્યાસ શરૂ કર્યો છે અને તે ખરેખર કંપનીની પ્રથમ વૈશ્વિક મોટરસાયકલ છે.

રોયલ એનફિલ્ડે સપ્ટેમ્બર 2018 માં ઇન્ટરસેપ્ટર 650 લોન્ચ કર્યું હતું. ઇન્ટરસેપ્ટર 650 અને હિમાલયનની સફળતા સાથે, કંપનીએ 2019-20માં આંતરરાષ્ટ્રીય બજારોમાં વેચાણમાં 96 ટકા વૃદ્ધિ હાંસલ કરી. યુરોપમાં, કંપનીએ ગયા વર્ષ કરતા 100 ટકા વધુ વેચાણ નોંધાવ્યું હતું. યુકેમાં, કંપનીએ તેના રિટેલ ફૂટપ્રિન્ટને 67 કસ્ટમર ટચ પોઇન્ટમાં વધારી દીધી છે. આ વૃદ્ધિને સંચાલિત કરવા માટે, કંપનીએ માર્કેટિંગ, સેલ્સ અને સર્વિસ ટીમોના વિસ્તરણમાં રોકાણ કર્યું છે.