Breaking & Latest News in Gujarati Provider on National, Gujarat Leading Gujarati News Channel and News Portal
Gujarat

અમદાવાદની નજીક આ શહેરમાંથી પકડાયો પાકિસ્તાની જાસૂસ, જે મોકલતો હતો ભારતની સંવેદનશીલ માહિતી પાકિસ્તાનમાં

સોમવારે મોડી રાત્રે એક પાકિસ્તાની જાસૂસને નેશનલ ઇન્વેસ્ટિગેશન એજન્સી(NIA)ની ટીમે ગોધરામાંથી પકડી પાડ્યો છે. આ જાસૂસને પકડ્યા પછી નેશનલ ઇન્વેસ્ટિગેશન એજન્સી NIAની ટીમે પકડાયેલા પાકિસ્તાની જાસૂસ ઇમરાન ગિતેલીની પૂછપરછ શરૂ કરી દીધી છે.

એવું પણ જાણવા મળ્યું છે કે ઇમરાન ગિતેલી વિશાખાપટ્ટનમ જાસૂસી કેસનો પણ મુખ્ય આરોપી રહ્યો છે.

NIAની ટીમે સ્થાનિક પોલીસની મદદથી આ પાકિસ્તાની જાસૂસ ઇમરાન ગિતેલીને પકડ્યો.

NIA દ્વારા પકડાયેલો પાકિસ્તાન માટે જાસૂસી કરતો 37 વર્ષની ઉંમર ધરાવતો ઇમરાન ગિતેલી મૂળ ગોધરાનો જ રહેવાસી હોવાનું સામે આવ્યું છે. ગોધરામાં રહીને આ જાસૂસ યુવક ઇમરાન ગીતલી પાકિસ્તાન માટે જાસૂસી કરતો હતો.

જ્યારે આ અંગેની માહિતી NIAની ટીમને મળી તો તે તરત ગોધરા પહોંચી ગઈ હતી અને ગોધરાની સ્થાનિક પોલીસની મદદ લઈને આ પાકિસ્તાની જાસૂસ ઇમરાન ગિતેલીને ઝડપી પાડ્યો હતો. તે પાકિસ્તાનની ખુફિયા એજન્સી ISI માટે કામ કરતો હોવાનું જાણવા મળ્યું છે. તમને જણાવી દઈએ કે ઇમરાન યાકુબ ગિતેલી ગોધરામાં રીક્ષા ચલાવે છે અને તેનાં સગાં સંબંધી પાકિસ્તાનમાં જ રહેતાં હોવાનું પણ સામે આવ્યું છે.

પાકિસ્તાનમાંથી ભારતમાં એજન્ટોને મોકલવામાં આવે છે.

NIAના જણાવ્યા અનુસાર, આ સમગ્ર બાબત એક આંતરરાષ્ટ્રીય જાસૂસી રેકેટની છે, જેના દ્વારા પાકિસ્તાનમાંથી ભારતમાં એજન્ટોની ભરતી કરવામાં આવે છે, જેનું કામ ભારતીય નૌસેનાનાં જહાજો અને પનડુબ્બીઓની આવનજાવન અને રક્ષા પ્રતિષ્ઠાનોનાં લોકેશન સંદર્ભે સંવેદનશીલ અને વર્ગીકૃત જાણકારી ભેગી કરવાનું હોય છે અને આ તમામ એકઠી કરેલી માહિતીને પાકિસ્તાનમાં મોકલવામાં આવે છે. NIAએ આગળ જણાવ્યું હતું કે આ સમગ્ર મામલે હાલ તપાસ ચાલી રહી છે.

આપણા દેશની સુરક્ષાને લગતી ખૂબ જ મહત્વની હોય તેવી માહિતી પાકિસ્તાનના ISIને આપવામાં આવી હતી. અને આ કામના બદલામાં એસોસિયેટ બેંક એકાઉન્ટ થકી તેને રૂપિયા પહોંચાડવામાં આવ્યા હતા. આ અંગે 15 જૂને NIAએ 14 આરોપીઓ વિરુદ્ધ ચાર્જશિટ દાખલ કરી હતી.

શોધખોળ દરમિયાન આ સમગ્ર જાસૂસી ષડયંત્રમાં ગોધરાના ઇમરાન ગિતેલીની મહત્વની ભૂમિકા સામે આવી હતી. ઇમરાન ગિતેલી ગોધરામાં રીક્ષા ચલાવવાની સાથે સાથે પાકિસ્તાન સાથે કાપડનો પણ વેપાર કરતો હતો. તેણે પોતાના બયાનમાં કબુલ્યું છે કે સંવેદનશિલ અને વર્ગીકૃત માહિતીના બદલામાં તેને ભારતીય નેવીના વ્યક્તિઓના બેંક એકાઉન્ટમાં રૂપિયા ટ્રાન્ફસર કર્યાં હતા.

નેશનલ ઇન્વેસ્ટિગેશન એજન્સીએ મહત્વના દસ્તાવેજો પોતાના કબજે કર્યા.

NIAની ટીમે ઇમરાન ગિલેતીના ઘરે શોધખોળ કરીને ડિજીટલ ડિવાઇઝ અને મહત્વના દસ્તાવેજો કબજે કર્યાં છે અને વધુ તપાસ માટે તેને હેદરાબાદ લઇ જવાયો હોવાનું જાણવા મળ્યું છે.

નોંધ: "Royal Gujju" ના કોઈ પણ લખાણ ની કોપી કરતા પહેલા અમારી લેખિત મંજુરી લેવી ફરીજીયાત છે.

લેટેસ્ટ ન્યૂઝથી અપડેટ રહેવા માટે નીચે આપેલી લીંક પર કલીક કરી જોડાયેલા રહો "Royal Gujju" સાથે.

જોડાઓ:  Facebook  Twitter  Instagram  Youtube 

લાઈક કરો અમારું Facebook Page અને મેળવતા રહો તમામ ન્યુઝ નું અપડેટ્સ

Related posts

નર્મદા ડેમમાંથી આટલા લાખ ક્યુસેક સુધી પાણી નર્મદામાં છોડાશે, 28 ગામોને એલર્ટ કરાયા

Nikitmaniya

Gir Gadhada મા આસમાની આફત વરસી, 5 ઈંચ વરસાદથી ઘરોમાં પાણી ઘૂસ્યા

Nikitmaniya

આ છે ગુજરાતની પાવરફૂલ મહિલા સરપંચ, મેટ્રો સિટીને પણ ટક્કર આપે છે આમનુ ગામ

Nikitmaniya